I samsvar med PBL §12-8 vil vi med dette informere om at Omega IAT skal utarbeide framlegg til reguleringsplan for Nermark gnr 84 bnr 8 m fl. i Etne kommune. Planområdet er vist på vedlagt kart.
Området er i kommuneplanen sin arealdel sett av til LNF-område med spredt hyttebygging tillete, 5 i perioden. Føremålet med planarbeidet er å leggje til rette for fortetting av hyttetomter, veg, båthamn og naustområde i samsvar med Strandplan frå 1973.
Planarbeidet er av Etne kommune vurdert til ikkje å utløyse krav om planprogram/KU. Grunngjeving for dette er at planområdet er utbygd med hytter og naust, og at fortetting med t.d. 10 hytter ikkje fører til vesentleg ny arealbruk.
Kart over planområdet finner du også på etne.kommune.no.
Eventuelle merknader til oppstart av planarbeidet kan sendes til
Omega IAT, Kvassanes , 5582 Ølensvåg - innan 13.05.2011.
